Фалсификувале договор за купопродажба и префрлиле стан на свое име – кривична за двајца тетовци

Двајца 78-годишни жители на Тетово се соочуваат со кривична пријава под сомнение дека со фалсификување документи и измама присвоиле стан.

— реклама —

Според информациите од Министерството за внатрешни работи, СВР Тетово поднело кривична пријава против А. Ј. и Г. Ј. за фалсификување исправа и измама.

— реклама —

— реклама —

Првопријавениот А. Ј. се сомничи дека го преправил договорот за купопродажба на стан, при што ги сменил податоците за купувачот и додал потпис. Потоа, второпријавената Г. Ј. ја искористила копијата од изменетиот договор и ја заверила кај нотар.

— реклама —

По спроведената постапка, станот бил запишан на име на првопријавениот. Против двајцата е поднесена кривична пријава за делата „фалсификување исправа“ и „измама“.