Фатен на дело: Крадел од црква во Струмица, со себе имал и малолетно дете

Полициски службеници од СВР Струмица синоќа лишиле од слобода 26-годишен струмичанец, кој бил затекнат при извршување тешка кражба во црква.

— реклама —

Како што информира МВР, на 17 март 2026 година околу 23:40 часот, С.Х. бил фатен на лице место во католичката црква „Успение на Пресвета Богородица“, откако претходно со употреба на сила влегол во објектот и одзел пари.

— реклама —

По пријавата за настанот, полицијата веднаш излегла на терен, при што го затекнала сторителот и го лишила од слобода.

— реклама —

Особено загрижувачки е што со него бил и неговиот малолетен син. За случајот бил известен Центарот за социјални работи – Струмица, по што детето било предадено на неговата баба.

Осомничениот е задржан во полициска станица, известен е јавен обвинител, а по целосно документирање на случајот против него ќе биде поднесена соодветна кривична пријава.