Филипче: Бугарија е јасна, Францускиот предлог останува услов

Лидерот на СДСМ, Венко Филипче, напиша дека Францускиот предлог останува на маса и дека, според него, премиерот Христијан Мицкоски повеќе нема простор за нови ветувања.

— реклама —

„Бугарија е јасна: Францускиот предлог е на маса. Нема што Мицкоски да ветува - секое негово ветување завршува со неисполнување“, порача Филипче.

— реклама —

Тој повторно се осврна на рокот за реализација на Реформската агенда, потсетувајќи дека остануваат уште девет дена до 1 јуни.

„Уште 9 дена до 1 јуни и уште едно неисполнето ветување за Реформската агенда“, вели Филипче.

— реклама —

Според него, граѓаните повеќе не веруваат во политички изјави, туку очекуваат конкретни резултати.

— реклама —

„Граѓаните веќе не веруваат во зборови. Сакаат резултати“, изјави Филипче.