Промени тема
Контакт
Најнова епизода Сведоштва за полициско шамарање во Охрид: Едниот натепан на паркинг, малолетник во нива | Претрес Гледај на LANDOV.MK

Филипче пред членовите на СДММ: Иднината не е предодредна, таа ја обликуваме сите ние денеска

Скопје1.мк's avatar
Автор: Скопје1.мк

објавено пред 2 години -

Македонија
IMG_6368

„Младите на СДСМ се надежта дека социјалдемократијата ќе опстои, а со тоа и надежите за подобро утре за секој од нас“ истакна претседателот на СДСМ, Венко Филипче на денешната конференција за избор на раководство и претседател на СДММ.

Претседателот на партијата порача дека младите ја обликуваат судбината на нацијата, посочувајќи им секогаш да бидат гласни и храбри да не молчат пред неправдите. Потсетувајќи на младинските демонстрации низ историјата, Филипче истакна дека секогаш младите се тие кои го палеле огнот на промените, од уличните протести во Париз 1968 до Арапската пролет, младите се тие кои застанаа против угнетувањето, бараа правда и се бореа за еднаквост.

— реклама —

„Сите предизвици со кои се соочуваме-било да се климатските промени, социјалната нееднаквост или економската неправда - не се само прашања за утре, тие се прашања за денес. И тие бараат храбра, решителна акција сега. Живееме во време на голема неизвесност. Подемот на популизмот и екстремизмот ја загрозуваат слободната младинска мисла, влеваат недоверба и гнев кај младите. На ова мора да се спротивставите. Социјалдемократијата е единствена политичка платформа преку која можете да делувате слободно , да се борите за вистинските вредности и да обезбедите просперитетна иднина за себе. Јас силно верувам а сакам да верувате и вие дека сепак, нашето општество е вкоренето во правичност, еднаквост и солидарност. И такво мора да остане и наша обврска е да не се предадеме во битката да имаме такво општество“-рече претседателот на СДСМ, Венко Филипче.

— реклама —

Истакнувајќи ја принципите и вредностите на социјалдемократијата, претседателот на СДСМ, Филипче посочи дека СДММ мора да се борат за напредок, за вистински вредности, за достоинствен живот и благосостојба на сите.

„Политиката не е спорт на гледачи. Не е доволно да застанете на страна и да се надевате дека некој друг ќе ја направи промената што сакате да ја видите. Без разлика дали тоа е преку организирање во вашите факултети, застапување за политики што ги одразуваат вашите вредности или интереси или пак сакате да се кандидирате за функција - вашето учество е од клучно значење“-рече Филипче.

— реклама —

Претседателот на СДСМ, Венко Филипче, повика на обединетост, посочувајќи дека силата е во единството на СДСМ.

— реклама —

„Заедно сме посилни. Само со застанување заедно можеме да се спротивставиме на силите кои сакаат да не поделат. Само со заедничка работа можеме да изградиме општество кое е поправедно и сочувствително. Денес да се обврземе дека ќе се поддржуваме еден со друг, да се креваме едни со други и да се бориме заедно за светот во кој веруваме. Иднината не е напишана. Не е предодредена. Таа е обликувана од активностите што ги преземаме денес. И тоа е обликувана од луѓе како вас - луѓе кои се подготвени да застанат, да зборуваат и да водат. Затоа, ве прашувам, каква иднина сакате да создадете? Во какво општество сакате да живеете? И што сте спремни да направите за да стане реалност? Одговорите на тие прашања не се само за размислување, тие се патоказ за делување. И верувам дека ќе делувате“ рече Филипче во своето обраќање.

Филипче му честиташе на новиот претседател на СДММ, Трајче Стојчевски, за изборот и му посака успех во работата.

Сподели

Сподели
Сподели
Сподели
Сподели
Сподели
Сподели
Сподели како слика

Поврзани содржини

media-library6vd14bsc07gbeKfgW3k

Филипче: Мицкоски ветуваше дека струјата нема да поскапи, сега се најавува поскапување кое ќе ги крене и цените

Македонија | пред 17 часа

— реклама —
media-libraryjr9at3bo160n5TIe80u

Филипче: Мицкоски да одговори зошто со законски измени се брише одредбата за уплата на 6% во вториот столб?

Македонија | пред 17 часа

media-librarymg9pbfsb39nqdl0fWU1

„Згрозен сум од обидот да се заташка само поради врските со ВМРО“: Филипче побара одговорност за насилството во Охрид

Македонија | пред 5 дена

media-library4vga89r95vis6Q7ERoC

Филипче: Зад владините бајки се кријат задолжувања и осиромашување на граѓаните

Слајдер | пред 1 седмица

Согласност за колачиња (cookies)

Нашата веб-страница користи колачиња за подобрување на корисничкото искуство и анализа на сообраќајот.

Дознај ексклузивно и прв

Прв ќе ги дознаваш ударните и вонредните случувања