„Филипче го испрати талогот Жерновски да клевети во јавност, двајцата се исплашени од одговорноста која ги стигнува“, вели ВМРО-ДПМНЕ

ВМРО-ДПМНЕ преку соопштение упати остри критики кон лидерот на СДСМ, Венко Филипче, и Андреј Жерновски, обвинувајќи ги дека шират невистини и се обидуваат да го одвлечат вниманието од одговорноста за нивното претходно работење.

— реклама —

Во партиското соопштение, објавено како реакција на прес-конференцијата на Жерновски, од ВМРО-ДПМНЕ тврдат дека Филипче го испратил Жерновски да изнесува, како што наведуваат, лажни обвинувања во јавноста.

— реклама —

Од партијата упатуваат и обвинувања за наводни матни зделки и местење милионски тендери со луѓе блиски до српскиот претседател Александар Вучиќ, тврдејќи дека таквите практики завршиле со промената на власта во 2024 година.

Во реакцијата се споменува и случајот со модуларната болница, при што од ВМРО-ДПМНЕ оценуваат дека Филипче се обидува да избегне одговорност и дека, како што тврдат, обвинителството и судството претходно се обидувале да го заштитат.

— реклама —

Партијата ја поврзува актуелната политичка ситуација во Македонија со случувањата во Србија и со односите што, според нивните тврдења, претходните власти ги граделе со Вучиќ.

На крајот, од ВМРО-ДПМНЕ оценуваат дека СДСМ ја губи поддршката кај граѓаните поради, како што наведуваат, политиката на служење на различни центри на моќ за лични интереси.