(Фото) Фатен на дело како создава дива депонија во Кисела Вода, инспекторите веднаш го санкционираа

Инспекторите на Град Скопје вчера вечер затекнале лице како фрла градежен шут и кабаст отпад околу контејнерите во општина Кисела Вода, при што се создавала дива депонија.

Случајот веќе е санкциониран, информира градоначалникот на Скопје, Орце Ѓорѓиевски, преку објава на социјалните мрежи.

— реклама —

„За секоја ваква постапка нема толеранција“, порача Ѓорѓиевски, нагласувајќи дека додека градските екипи работат на одржување на чистотата, поединци со несоодветно однесување ја загадуваат животната средина.

— реклама —

— реклама —

Градоначалникот повтори дека политиката на Град Скопје е на „нулта толеранција“ кон лицата кои јавните површини ги претвораат во диви депонии.

Според Ѓорѓиевски, инспекторите се постојано на терен, а во тек е и постапка за поставување камери на јавни површини. Целта е прекршителите побрзо да се откриваат и санкционираат.

„Скопје е наш заеднички дом. Да се однесуваме одговорно“, порача градоначалникот.