ДЕПОНИЈА

Пожарот на депонијата во Радовиш продолжува, надлежните со апел до граѓаните

Радовишката депонија и натаму е зафатена од пожар кој трае веќе петти ден, а надлежните служби сè уште работат на негово целосно локализирање.На терен е ангажирана тешка механизација која врши насипување со земја за да се спречи понатамошно ширење на огнот.Поради сериозноста на состојбата, градоначалникот на Радовиш и командантот на Кризниот штаб, Љупче Почивалец, во координација со Центарот за јавно здравје – Штип, упати апел до граѓаните да избегнуваат непотребен престој на отворено и да го ограничат движењето во периодите кога чадот е најинтензивен.Во препораките се наведува прозорците и вратите во домовите и работните простории да останат затворени, а да се исклучат клима-уредите и вентилационите системи што внесуваат надворешен воздух.Граѓаните се советуваат да користат заштитни маски од типот FFP2, FFP3 или N95 и да престојуваат во затворени простории.Посебни препораки се упатени до децата, бремените жени, постарите лица и хронично болните, за кои се советува максимална заштита и избегнување активности на отворено.До работодавачите е упатен апел, каде што е можно, да овозможат работа од дома или ослободување од работа за ранливите категории.Од Општина Радовиш информираат дека сите служби се постојано на терен и преземаат мерки за локализирање и гаснење на пожарот.

Македонија | пред 1 ден

Ќе се ангажира служба за 24-часовно дежурство на депонијата во Арачиново

Со цел унапредување на координацијата и превентивното делување при справување со потенцијални ризици, денес се одржа работен состанок помеѓу директорот на Центарот за управување со кризи, г-дин Мухамед Али, и градоначалникот на Општина Арачиново, г-дин Даут Беќири, на кој присуствуваше и командантот на полициската станица во Арачиново.„На состанокот се разговараше за унапредување и зајакнување на меѓуинституционалната соработка, како и за координација на активностите поврзани со ангажирање на служба за 24-часовно дежурство на депонијата на територијата на Општина Арачиново, со цел заштита од нејзино потенцијално потпалување.Дополнително, беше договорено да се реализираат обуки во основните училишта на територијата на општината, со цел едукација на наставниот кадар и учениците за навремено препознавање и ефикасно справување со евентуални ризици и кризни состојби.Соговорниците ја потврдија подготвеноста за континуирана соработка и заедничко делување, со приоритет на безбедноста на граѓаните и заштитата на животната средина“, информираат од ЦУК.

Скопје | пред 1 месец

(Видео) Дива депонија среде Аеродром, жителите бараат итна реакција од инспекциите

Жители на скопската населба Аеродром алармираат за сериозен еколошки проблем на улицата „Вангел Тодоровски“ бр. 2, каде, како што велат, се создава дива депонија.„Во срцето на центарот на стар Аеродром, ул. „Вангел Тодоровски“ бр. 2, карши месарница „Гарче“, се создава депонија, ова е полошо од Дрисла. Се молат инспекциите да преземат нешто, да ги задолжат сопствениците на бараките да го исчистат просторот, а уште и кровот на бараките е искршен и е од азбестни плочи. Градежната компанија што ја гради зградата целиот шут секојдневно го фрла одозгора врз бараката, не може од прашина да се дише. Ве молиме инспекциите кои се надлежни да преземат нешто конкретно“, стои во објавата.

Скопје | пред 1 месец

(Фото) 12 часа борба со огнот: Депонијата во Босилово повторно гори

Повеќе од 12 часа екипите на Територијалната противпожарна единица Струмица интервенираат на депонијата во селото Босилово, каде што пожарот избувнал и повторно се активирал во текот на денот.Првично, пожарот бил локализиран и изгаснат во пладневните часови, по што пожарникарите се повлекле од теренот. Сепак, во вечерните часови, огнот повторно се разгорел.Во гаснењето биле ангажирани повеќе екипи, а според информациите, досега се исфрлени околу 60 тони вода. Надлежните посочуваат дека ваквите пожари се особено сложени за справување, поради специфичните услови на депониите

Македонија | пред 1 месец

(Видео) Дива депонија на Водно, „Независни за Карпош“ реагира: Градоначалниците ништо не превземаат

Граѓанската иницијатива „Независни за Карпош“ на социјалните мрежи објави видео од дива депонија. Тие велат дека ова е една од 10-те диви депонии на Водно, за кои се знае со години наназад, но градоначалниците ништо не преземаат.„За жал, ова е една од 10-те диви депонии на Водно! Иако веќе години наназад се информирани сите градоначалници, НИШТО не е превземено, а се знае кои се одлагачите на смет. Неколку пати во текот на годината се палат депониите, загадувајќи го воздухот во цел Карпош и Скопје. Редно е Водно да се исчисти“, велат од граѓанската иницијатива „Независни за Карпош“.

Скопје | пред 3 месеци

„Стоп за Вардариште“ - Депонијата нема ограда!

Граѓанската иницијатива „Стоп за Вардариште“ која и денеска го блокираше мостот „Близнак“, посочи дека депонијата е без ограда, и дека повтрон е има отпад.Велат дека биле во посета на депонијата но не им било дозволено да влезат внатре, однадвор виделе противпожарно возило и полициско присуство што обезбедува, само од една страна, а на другиот крај, од каде што исто така може лесно да се пристапува имало купишта железен отпад.-Единствена подршка досега имале единствено од актуелниот градоначалник на Аеродром Дејан Митески кој денеска беше присутен на собирот.Митески потенцира дека Вардариште првенствено е градска депонија но е во постојана комуникација со релевантните институции, за трајно решавање на проблемот.

Скопје | пред 7 месеци

(Видео) Општински камиони на Гази Баба со црвени таблици фатени кај дивата депонија во Јурумлери

Покрај нивите во Јурумлери, на околу два километри од складиштето за отпад во Трубарево, никнува нова депонија. Покрај патот купишта отпад, а на крајот од патот биле затекнати и возила на јавното комунално претпријатие „Гази Баба 2007“. Жител кој ни го испрати видеото, посочува дека тука се истурал отпад. Од снимката се гледа како едно возило заминува, додека друго искипува со крената приколица. Двете имаат црвени таблици, што означуваат дека се државна или општинска сопственост.Случајно или не, оваа снимка, била направена истиот ден (26 септември) кога во Гази Баба се собираше смет и се чистеше општината. Сомнежите се дека токму тоа ѓубре завршило на оваа депонија. „Скопје1“ утринава го контактираше градоначалникот кој е во трка за нов мандат, Бобан Стефковски. Го прашавме дали е запознаен со ова, но одговор не добивме. Два часа подоцна, видовме дека присуствува во Штип на промоцијата на кадрите на партијата за нов мандат.Во меѓувреме, порталот „360 степени“ објави дека и тие барале објаснување од Гази Баба за отпадот исфрлан на ова место. Оттаму им доставиле некаква белешка дека истиот бил оставен во „Дрисла“. Стои и количината на депониран отпад, но не се знае која количина на отпад е собрана.Ова не е единствена депонија во општината. Таму се наоѓа и „Вардариште“ за која секојдневно има протести, а пред извесен период гореше. Граѓаните бараат итно решавање на овие еколошки катастрофи кои влијаат врз здравјето на сите.

Скопје | пред 7 месеци

Се проверува одговорноста на тие кои издале дозвола да има склад за отпад во Трубарево, среде населено место

Основното јавно обвинителство потврди дека се истражува потенцијалната одговорност и на други лица во врска со големиот пожар во складиштето за отпад во Трубарево. Дозволата ја издава Министерството за животна средина, па оттука, документацијата за работата на компанијата се наоѓа во нивните простории.„Се испитува потенцијална одговорност и на други лица. Во врска со документацијата и дозволите, издадени се повеќе наредби по кои МВР сè уште постапува“, велат од Обвинителството, одговарајќи на прашањето дали лицето кое ја издало и потпишало дозволата за работа на складиштето ќе биде предмет на истрага.Веќе е познато дека тие имале 10 годишна дозвола, издадена во 2021 година, кога министеруваше Насер Нуредини од ДУИ. Складиштето работело и во време на министерувањето на Каја Шукова и Изет Меџити. Засега не е познато дали се правени контроли, во делот на исполнувањето на условите за работа.На прашањето дали се проверува колкава количина отпад била складирана во магацинот на фирмата „Ф-групација“, од Обвинителството додаваат: „Се преземаат дејствија за проверки“.Со тоа останува отворено прашањето дали фирмата поседувала отпад во рамките на дозволените параметри и дали институциите вршеле навремени контроли на работењето.

Скопје | пред 8 месеци

Мицкоски: Пожарите се резултат на подметнувања и диверзии од центри на моќ, ќе има и во идниот период

Премиерот Христијан Мицкоски денеска изјави дека сите лица кои се наоѓаат во близина на пожарот треба да ги следат препораките на надлежните институции и да бидат евакуирани.„Сите кои се на периметар од 100 метри треба да се евакуираат. Иако мерењата покажуваат дека нема вонредно големо загадување – ако вчера беше помеѓу 8 и 9, денеска е меѓу 5 и 6,“ рече Мицкоски.Тој додаде дека вакви пожари ќе продолжат да се случуваат бидејќи, како што нагласи, постојат центри на моќ во земјава и надвор од неа кои не сакаат Владата да успее.„Тие ќе продолжат да подметнуваат, тие ќе продолжат да лешинарат, а ние ќе работиме и ќе победиме,“ изјави премиерот, додавајќи дека имаат информации од каде доаѓаат потпалувањата – и од домашни и од странски извори.Во врска со лиценците за работењето на депониите, Мицкоски потсети дека актуелната важи од 2021 до 2031 година и дека компаниите декларирале дека ги исполнуваат условите. „Ако мене ме прашувате, тоа не се услови под кои треба да работат. Сите хибридни напади ќе ги таргетираат овие слаби страни,“ додаде тој.Мицкоски истакна и дека доколку државата имала функционални беспилотни летала, вакви ситуации ќе можеле да се спречат.

Скопје | пред 8 месеци

Крим-полицијата разговара со вработени во „Дрисла“ – се истражува можност за подметнување на пожарот

Полициски службеници од Одделот за криминалистичка полиција во моментов вршат службени разговори со вработени во ЈП „Дрисла“ за да се утврди евентуално учество од внатре во подметнување на пожарот на депонијата. Ова денеска го соопшти директорот на Дирекцијата за заштита и спасување и раководител на Главниот штаб за управување со кризи, Стојанче Ангелов, на прес-конференција во близина на депонијата.Ангелов посочи дека според информациите со кои располага, имало најмалку три обиди за палење на депонијата, но тие биле навреме изгаснати.„Од тие причини денеска побарав припадници на криминалистичката полиција да влезат во депонијата и да поразговараат со вработените, за да дојдат до релевантни информации околу можни причинители на пожарот. Не зборуваме за конкретно осомничен, туку дали постои можност некој од внатре да учествува во подметнувањето или можеби некој од надвор, физички спремен, со канта или шише бензин,“ изјави Ангелов.Тој додаде дека во следниот период ќе бидат употребени повеќе методи за набљудување на депонијата, како и засилено полициско присуство, со цел откривање на евентуални потпалувачи.„Малку е необјасниво како откако драстично ќе го намалиме огнот, чадењето повторно толку многу да се зголеми,“ рече директорот.Ангелов потсети дека површината на „Дрисла“ изнесува 85 хектари и дека ограда постои само на влезот, додека останатиот дел е лесно достапен за злонамерници. Според него, сомнителна е и функционалноста на дел од камерите, особено на задниот дел од депонијата.

Скопје | пред 8 месеци

(Видео) Каде се зградите? Шест дена Вардариште гори, населбата не се гледа од чадот!

Граѓани од Аеродром преку локални Фејсбук-групи пријавуваат дека шести ден по ред се издига густ чад од правец на депонијата Вардариште и најавуваат нов протест со продолжување на блокадите.Во објави со пораки „Изгасете ја депонијата… 6-ти ден гори!“ жителите опишуваат утринска слика во која „целата населба е прекриена со чад“. Во коментарите се наведува дека по 22 часот ги затвораат прозорците и вратите поради мирис и намалена видливост.Во друга објава стои: „Утре повторно на протест… Ова е неподносливо и нема да прекинеме со блокадите!“, со тврдење дека и покрај приведувањето на три лица, чадот продолжува.Во дел од коментарите бараат трајно решение и затворање на локацијата која ја посочуваат како извор на чадот: „Ќе се собираме и нема да отстапиме до решение за проблемот и затворање на депонијата“, пишува една жителка, изразувајќи револт поради, како што тврди, незаинтересираност за проблемот.Жителите најавуваат дека ќе продолжат со протести и блокади додека, како што велат, не се биде изгасне пожарот и не се најде трајно решение.

Скопје | пред 8 месеци

Ќе запалеле цела депонија во обид да извадат метални федери од душеци-кривична пријава за прилепчанец и стружанец

Во градската депонија во Струга, Е.В. (38) од Прилеп со привремен престој во Струга и Ф.Н. (61) од Струга запалиле душеци за да извадат федери и бакарни жици за продажба; по интервенција на Територијалната противпожарна единица биле пријавени во ОВР Струга, а против нив е поднесена кривична пријава за „предизвикување општа опасност“.-Надворешната канцеларија за криминалистички работи Струга поднесе кривична пријава против Е.В.(38) од Прилеп, со привремен престој во Струга и против Ф.Н.(61) од Струга поради постоење основи на сомнение за сторено кривично дело „предизвикување општа опасност“ по член 288 од Кривичниот законик. На 02.08.2025 во Градската депонија во Струга, пријавените запалиле душеци за да ги извадат федерите и бакарните жици за да ги продадат, но биле затекнати од вработените во Територијалната противпожарна единица Струга и биле пријавени во ОВР Струга, соопшти МВР.

Македонија | пред 8 месеци

(Видео) Повик за протест против „екоцидот“ - Вардариште го труе цел град!

Граѓаните од Аеродром повикуваат на протест поради неподносливата миризба и загадувањето од депонијата Вардариште, која со години го труе половина град. Тие бараат итно решавање на проблемот, предупредувајќи дека во локацијата има над 2 милиони кубни метри отпад што претставува сериозен ризик за здравјето и животната средина.-ЕКОЦИДОТ или силната миризба која ја чувствуваме изминативе неколку дена е неподнослива и со сигурност неизмерно штети на нашето здравје. Нашите деца ја школската година ја започнаа во најлоши можни околности. Нашa граѓанска должност е да побараме СЕГА и ВЕДНАШ разрешување на овој проблем. Како граѓани се прашуваме: Кои институции ги плаќаме со наши пари да го решат овој проблем? СЕГА и ВЕДНАШ, не по изборите, ниту по наредниот тендер.Веруваме дека овој проблем може и мора да биде решен само и мирно со бојкот на раскрсницата помеѓу булеварите АСНОМ и Србија, пред мостот Киро Глигоров, се наведува во повикот за протестот.Жителите на нагласуваат дека осум години негрижа и молк од Град Скопје ја довеле депонијата до колапс, а тие и нивните деца секојдневно го чувствуваат загадениот воздух.

Скопје | пред 8 месеци

Лишени од слобода две лица во Струга, на градската депонија предизвикале пожар

На 02.08.2025 во 20:30 часот, на градската депонија во Струга, полициски службеници од ОВР Струга ги лишија од слобода Ф.Н.(61) од Струга и Е.В.(38) од Прилеп, кои претходно, од страна на вработени во Територијалната противпожарна единица Струга биле затекнати на депонијата како горат душеци и топат бакарни жици, при што предизвикале пожар.Против нив, по документирање на случајот, ќе бидат поднесени соодветни пријави.

Македонија | пред 9 месеци

Детонации од плински боци на депонијата, има повредено лице при интервенција на гаснењето на пожарот

Министерството за внатрешни работи информира дека едно лице е повредено за време на интервенцијата, односно геснењето на пожарот во Визбегово и е пренесено во болница.„Денеска во 09.16 часот во СВР Скопје е пријавено дека на отпад за старо железо на ул. Б.Буна во Скопје има пожар, односно дека горат хаварисани возила, на кои имало монтирани плински уреди и се слушаат детонации од истите. Досега нема зафатено приватен имот – куќи. Се преземаат мерки за гасење на огнот и расчистување на случајот. За време на интервенцијата едно лице е повредено и пренесено за укажување лекарска помош“, информираа од МВР.Пожарот избувнал во кругот на отпад што е регистриран на фирмата АСД „Метал груп“. Жителите од околните населби велат дека рано утрово забележале огромни облаци чад, а од местото каде што гори се слушале и силни експлозии.Според досегашните информации, детонациите потекнуваат од плинските уреди монтирани на хаварисани те возила кои се запалиле во рамки на депонијата. За среќа, пожарот сè уште не се проширил кон станбени објекти.Во гаснењето се вклучени екипите на Противпожарната бригада на Град Скопје, а по барање на градоначалникот на Шуто Оризари, Курто Дудуш, беше ангажирана и воздушна поддршка. На терен дејствува авион Ер Трактор од Дирекцијата за заштита и спасување.Властите апелираат на внимателност, бидејќи се уште постои ризик од ширење на огнот поради материјалот што гори и временските услови.

Скопје | пред 10 месеци

Загрижувачка состојбата кај Визбегово – пожарот се шири, можно наредување евакуација!

Пожарот што избувна во близина на дивата депонија меѓу Визбегово и Шуто Оризари брзо се шири и претставува сериозен ризик за околните површини, информира Центарот за управување со кризи (ЦУК). Опасноста е уште поголема бидејќи во непосредна близина се наоѓаат станбени објекти.По барање на градоначалникот на Шуто Оризари, Курто Дудуш, побарана е воздушна поддршка за справување со огнената стихија. ЦУК веднаш го процесуираше барањето до Министерството за внатрешни работи и Дирекцијата за заштита и спасување, со цел побрза и поефикасна интервенција.Градоначалникот е информиран дека, доколку состојбата го наложи тоа, треба да се пристапи кон евакуација на жителите од најзагрозените подрачја.Во моментов на терен дејствуваат противпожарни екипи на Град Скопје.

Скопје | пред 10 месеци

(ФОТО/ВИДЕО) Пожар кај депонијата меѓу Шуто Оризари и Визбегово – чадот ги прекри околните населби

Густ црн чад и силни пламени јазици утринава повторно ја зафатија депонијата што се наоѓа меѓу скопските населби Шуто Оризари и Визбегово. Според информациите од терен, се запалиле стари гуми, а чадот брзо се проширил, прекривајќи делови од околината. Од фотографиите и снимките што ги направи Скопје1, може да се види дека главно горат гуми.На лице место интервенираат четири возила на Противпожарната единица на Град Скопје, а во гаснењето се вклучени и две возила од „Комунална хигиена“.Станува збор за уште еден во серија пожари на оваа проблематична локација, која со години претставува еколошка и безбедносна закана за жителите од околните населби.

Скопје | пред 10 месеци

(Видео) Пак избувна пожар во депонијата во Визбегово

Гори депонијата во Визбегово – повторно. Густ црн чад се издига над северниот дел на Скопје и се шири кон градот, предизвикувајќи загриженост кај жителите.Ова не е првпат оваа летна сезона. Истата депонија гореше и на 30 јуни, кога од Центарот за управување со кризи (ЦУК) соопштија дека пожарот се реактивира постојано поради природата на отпадот.Граѓаните повторно се жалат на неподнослива миризба. Интервенираат од Противпожарната служба на Град Скопје.

Скопје | пред 10 месеци