(Видео) Повторно гори депонијата во Арачиново, „Зелен хуман град“ бара итна интервенција

Депонијата во Арачиново повторно гори, алармираат од иницијативата „Зелен хуман град“ преку објава на социјалните мрежи, во која споделија и видео од состојбата на терен.

— реклама —

Од иницијативата бараат надлежните институции веднаш да интервенираат и да го изгаснат пожарот, како и да преземат мерки за отстранување на метанот и оградување на депонијата.

Дополнително, бараат да бидат санкционирани комуналните служби што одлагаат отпад на оваа локација, а против нив да бидат поднесени кривични пријави и да им бидат одземени дозволите за управување со отпад, доколку ги поседуваат.

— реклама —

„Депонијата во Арачиново повторно гори. Надлежните институции веднаш да излезат на терен и да го изгаснат пожарот“, наведуваат од „Зелен хуман град“ во објавата.

— реклама —

Од иницијативата бараат итно решавање на проблемот и одговорност од сите што постапуваат спротивно на правилата за управување со отпад.