Ѓубрето од Куманово привремено ќе се депонира во Дрисла, продолжува санацијата на депонијата Краста

Сметот од Куманово привремено ќе се транспортира и депонира на скопската депонија Дрисла, со цел да се надмине проблемот со одлагањето на отпадот по блокадата на локалната депонија Краста.

— реклама —

Ова вчера го соопшти градоначалникот на Куманово, Максим Димитриевски, кој изрази благодарност до градоначалниците Ѓорѓиевски и Јанчев, премиерот Христијан Мицкоски и менаџерскиот тим на Дрисла за нивната помош во организирањето на транспортот на сметот.

— реклама —

Димитриевски најави дека активностите за санација на депонијата Краста продолжуваат со засилено темпо, со цел проблемот да се надмине во најбрз можен рок.

— реклама —

Тој воедно им се извини на кумановци поради проблемите со кои се соочуваат како последица на блокадата на депонијата, посочувајќи дека локалните власти работат на изнаоѓање решение.

Привременото депонирање на отпадот во Дрисла треба да овозможи непречено справување со сметот додека траат активностите за санација на Краста.