Во Куманово нема да се затвора ниту едно училиште: Јовановиќ со информација за новата учебна година

Во Куманово во учебната 2026/2027 година нема да биде затворено ниту едно училиште, и покрај намалениот број ученици во дел од подрачните училишта, информира Александар Јовановиќ, раководител на Секторот за образование во Општина Куманово.

— реклама —

Тој посочи дека во подрачното училиште во селото Речица, кое е дел од ООУ „11 Октомври“, годинава нема запишано прваче. Сепак, за учениците од второ и трето одделение е одобрена комбинирана настава, поради што училиштето ќе продолжи да работи.

— реклама —

— реклама —

Јовановиќ објасни дека во Куманово има демографски промени и миграција на населението од еден во друг дел од градот, што доведува до разлики во бројот на ученици меѓу централните и руралните училишта.

„Затворање на училиштата, како што изјави министерката, на ниво на Македонија можеби има, меѓутоа во Општина Куманово за оваа учебна година немаме затворање на училиште“, рече Јовановиќ.