УЧИЛИШТЕ

Путин ја обвини Украина за напад врз училиште: Најмалку шестмина загинати

Рускиот претседател Владимир Путин ја обвини Украина за „терористички напад“ откако во ноќен напад со дрон врз ученички дом во Луганската област загинаа најмалку шест лица, а 39 беа повредени, пренесува Sky News.Според Путин, уште 15 лица се водат како исчезнати по нападот врз домот на Педагошкиот факултет во Старобилск, во регион кој е под руска контрола.Тој ја обвини Украина за намерно гаѓање цивили и соопшти дека побарал од руското Министерство за одбрана предлози за одмазда.Руските власти објавија фотографии и видеоснимки од местото на нападот, на кои се гледаат спасувачи како извлекуваат луѓе од урнатините, како и сериозно оштетени згради и пожари.Украинските власти засега не се огласија за нападот.Руската комесарка за човекови права, Јана Лантратова, изјави дека во домот престојувале 86 тинејџери на возраст од 14 до 18 години во моментот на нападот.Највисокиот руски функционер во Луганск, Леонид Пасечник, соопшти дека две лица биле извлечени живи од урнатините, додека спасувачките екипи продолжуваат со потрагата по затрупани деца.Портпаролот на Кремљ, Дмитриј Песков, изјави дека одговорните мора да бидат изведени пред лицето на правдата.И Русија и Украина во повеќе наврати негираа дека намерно гаѓаат цивили во текот на војната.

Свет | пред 20 часа

Малолетник физички нападнат на час во училиште во Прилеп

Нов случај на малолетничко насилство е пријавен во училиште во Прилеп, информираат од Одделението за внатрешни работи Прилеп.Според информациите, малолетник бил физички нападнат од свои соученици за време на час по физичко образование во основно училиште во градот.Еден од напаѓачите го снимал инцидентот со мобилен телефон.Случајот во полиција го пријавил таткото на детето, 36-годишен жител на Прилеп.Од полицијата велат дека се преземаат мерки за расчистување на случајот.

Македонија | пред 1 седмица

Казина и обложувалници најмалку 500 метри од училиштата

Владата на денешната седница го утврди новиот усогласен текст на Предлог-законот за игрите на среќа и забавните игри, кој ќе биде испратен во Собранието.Од Владата велат дека со ова започнува „нова, посериозна и поодлучна фаза“ во борбата против нелегалното приредување игри на среќа, агресивното рекламирање и злоупотребите што, како што посочуваат, со години им нанесуваат штета на граѓаните, особено на младите, децата и семејствата.Според Владата, фокусот на законот е заштита на децата, младите и семејствата.Со новите измени за првпат се воведуваат строги ограничувања за рекламирањето на игрите на среќа. Ќе биде забрането рекламирање надвор од деловните простории доколку има за цел да ги поттикне граѓаните да учествуваат во игри на среќа.Исто така, ќе бидат забранети пораки што коцкањето го претставуваат како пат до финансиски успех, подобар живот или решение за лични и социјални проблеми.Дополнително, нема да биде дозволено рекламирање преку познати личности и содржини насочени кон малолетници.„Испраќаме јасна порака дека коцкањето не смее да се нормализира, ниту да се претставува како стил на живот пред младите“, соопштија од Владата.Законот предвидува и сите казина, автомат-клубови и објекти за електронски игри на среќа да бидат оддалечени најмалку 500 метри од основните и средните училишта.Во обложувалниците што се наоѓаат во радиус до 500 метри од училиштата, нема да биде дозволено поставување електронски видео-лотариски терминали и друга опрема за електронски игри на среќа.Паралелно со законските измени, институциите преземаат мерки и против нелегалното онлајн коцкање.Од Владата информираат дека досега се затворени 358 нелегални странски онлајн платформи кои незаконски приредувале игри на среќа во државата.„Ова е борба за иднината на младите, за сигурноста на семејствата и за достоинството на општеството“, велат од Владата.

Македонија | пред 1 седмица

Напаѓачот во турско училиште го најавил нападот: „Подгответе се“

Вооружен напад во средно стручно и техничко училиште „Ахмет Којунџу“ во округот Сиверек во Турција заврши со 16 повредени лица и самоубиство на напаѓачот, јавуваат турските медиуми.Според информациите, деветнаесетгодишниот Омер Кет, поранешен ученик на училиштето, неколку дена пред нападот објавувал заканувачки пораки на социјалните мрежи, со кои индиректно најавувал дека планира насилен чин. Во една од објавите, тој напишал: „Подгответе се. За неколку дена ќе има напад во ова училиште“.Инцидентот се случил кога тој влегол во училиштето вооружен со пушка и почнал да пука, при што настанала паника меѓу учениците и вработените. Дел од учениците во обид да се спасат скокале од прозорци, додека наставниците се обидувале да организираат евакуација. Безбедносните служби соопштија дека поголем дел од учениците биле извлечени на безбедно.На местото веднаш пристигнале полициски и медицински екипи, а училиштето било опколено од специјални единици откако напаѓачот одбил да се предаде и се сокрил во објектот. По кратка опсада, тој извршил самоубиство, по што бил пронајден мртов.Во нападот се повредени 16 лица – меѓу нив ученици, наставници, еден полицаец и работник во училишната менза. Неколку од повредените се во потешка состојба и се префрлени во болници во поширокиот регион, додека останатите се згрижени во државната болница во Сиверек.Градоначалникот на Сиверек, Али Мурат Буџак, изјави дека двајца наставници се во критична состојба и дека напаѓачот претходно бил поврзан со училиштето како поранешен ученик, но неговиот однос со институцијата бил прекинат. Мотивите за нападот засега остануваат непознати.Истражните органи продолжуваат да ги анализираат неговите објави на социјалните мрежи, како и околностите што довеле до нападот, додека јавноста во Турција е потресена од новиот случај на училишно насилство, кое според медиумите во земјата е релативно ретко.

Свет | пред 1 месец

Мерки на претпазливост за професорот осомничен за сексуално вознемирување на ученичка

Мерки за претпазливост се изречени за уапсениот професор кој е пријавен за сексуално вознемирување на 18-годишна ученичка.Нему му е oдземен пасошот, има забрана за приближување до девојчето, како и забрана за извршување на работните обврски.На лицето определени му се мерки за претпазливост. Одземање на патна исправа, забрана за приближување на неколку лица и забрана за извршување на работните задачи“, велат од МВР.Според пријавата, тој од крајот на февруари до почетокот на март годинава го вознемирувал девојчето. Ова се случувало во средното уметничко училиште „Лазар Личеноски“ во Скопје. Професорот е на возраст од 52 години.

Скопје | пред 2 месеци

(Видео) Бројот на загинати во нападот врз училиштето во Иран се зголеми на 118

Бројот на загинати во нападот врз училиште за девојчиња во јужниот ирански град Минаб се искачи на 118, соопштија иранските државни медиуми, препишувајќи ја одговорноста на Соединетите Американски Држави и Израел.CNN ја геолоцираше видеоснимката од местото на настанот и утврди дека станува збор за училиштето Шајаба Тајиба, кое се наоѓа приближно 60 метри од иранска воена база.Според анализата на сателитските снимки, се чини дека училиштето претходно било дел од базата, но е одвоено од воениот комплекс најмалку од 2016 година.

Свет | пред 2 месеци

Учениците повторно во училишните клупи: Почнува второто полугодие

За учениците од основното и средното образование на територијата на целата држава денеска започнува второто полугодие.Министерката за образование и наука Весна Јаневска преку објава на социјалните мрежи им посака успех на учениците, наставниците и стручните служби во училиштата во претстојниот период.„Им посакувам успех на сите ученици, на наставниците и на стручните служби во училиштата. Со помалку отсуства и со голема посветеност да ги постигнат целите на учењето и наставата. Знаењето се гради со труд, упорност и меѓусебна поддршка. Среќно од вторник“, напиша Јаневска.Министерката минатата недела изјави дека, според информациите од Министерството за здравство и од Институтот за јавно здравје, нема пречки за почеток на второто полугодие и покрај актуелната состојба со грипот.Таа апелираше до родителите и до учениците за редовно посетување на наставата и што поретко изостанување од училиште, нагласувајќи дека истражувањата, и во Македонија и на глобално ниво, покажуваат дека учениците кои редовно ја следат наставата постигнуваат подобри резултати.

Македонија | пред 4 месеци

Ученици од ООУ „Димо Хаџи Димов“се пожалиле на стомачни болки, кујната е затворена: Инспектори на АХВ вршат вонреден надзор

Инспектори од Агенцијата за храна и ветеринарство утрово излегоа на терен во ООУ „Димо Хаџи Димов“, откако училиштето пријавило дека повеќе ученици се пожалиле на стомачни проблеми. Во контролата се вклучени и екипи од Државниот санитарен и здравствен инспекторат, Институтот за јавно здравје и Центарот за јавно здравје.Кујната што го снабдува училиштето со храна е привремено затворена додека траат проверките за да се утврди дали станува збор за можно труење.Од АХВ ја пренесуваат следната информација:„Согласно Националниот протокол за постапување при сомнеж за труење со храна, ќе се спроведе епидемиолошка анкета и земени ќе бидат мостри од инкриминирана храна, работни површини и прибор и машини за лабораториско тестирање“, информираат од АХВ.По завршувањето на сите анализи и контролни активности, институциите најавуваат дека јавноста ќе биде навремено информирана за резултатите и за мерките што ќе бидат преземени.

Скопје | пред 5 месеци

Напад со нож во кичевско училиште, 17-годишен тинејџер повредил помлад ученик

На 06.10.2025 во 11:45 часот во ОВР Кичево е пријавено дека во просториите на средно училиште во Кичево, 17- годишен ученик во училиштето со остар предмет нападнал 15-годишен ученик во истото училиште и му нанел телесни повреди, констатирани во болницата во Кичево.Од напаѓачот е одземен остриот предмет и по целосно документирање на настанот, против него ќе биде поднесена кривична пријава, соопшти МВР.

Македонија | пред 7 месеци

Жител на Сандево крадел нафта од училиште, фатен е на дело!

Полицијата го привела 41-годишниот А.Ш. од Скопје под сомнение дека сторил кривично дело согласно член 236 од Кривичниот законик на Република Македонија. Лицето било лишено од слобода синоќа околу 21:25 часот од страна на припадници на СВР Скопје.Според информациите, А.Ш. бил затекнат во дворното место на основното училиште во скопското село Сандево, каде од резервоарот на училиштето одземал нафта.Одземената нафта е вратена на одговорното лице од училиштето, а по извршениот увид и целосното документирање на случајот, против приведениот ќе биде поднесен соодветен поднесок.

Скопје | пред 7 месеци

Насилство во средно училиште во Карпош, нападнат малолетник од врсници со тврд предмет

Малолетен ученик бил физички нападнат од група врсници во двор на средно училиште во Карпош, при што, според пријавата, бил употребен и тврд предмет. Полицијата презема мерки за расчистување на случајот.На 22.09.2025 во 16:30 часот во СВР Скопје, К.Р.(40) од Скопје пријави дека околу 13:15 часот во двор на средно училиште на подрачјето на Карпош, неговиот малолетен син бил физички нападнат од неколку малолетници, а бил употребен и тврд предмет. Се преземаат мерки за расчистување на случајот, соопшти МВР.

Скопје | пред 8 месеци

„Почивај во мир, ангелу“ – училиштето СОУ „Крсте Петков Мисирков“ се прости со 16-годишната Теодора

Училиштето СОУ „Крсте Петков Мисирков“ од Демир Хисар се прости од својата ученичка Теодора Бабарчиќ, која трагично се удави во реката Вардар. Шеснаесетгодишната Теодора исчезна на 23 јули, а нејзиното безживотно тело беше пронајдено по шест дена интензивна потрага. Тимовите за спасување и бројни волонтери денови наназад ја пребаруваа реката, надевајќи се на чудо што за жал не се случи. По оваа трагедија, училиштето ѝ оддаде последна почит преку емотивен пост на Фејсбук:

Македонија | пред 9 месеци

Пожар во стар објект на училиште во Ракотинци – повреден пожарникар

Во село Ракотинци, скопско, избувнал пожар во стариот објект на основното училиште. Екипа на Бригадата за противпожарна заштита Скопје го изгаснала пожарот, а при интервенцијата со повреди се здобил еден пожарникар.Повредениот бил пренесен во здравствена установа за укажување на лекарска помош. Се преземаат мерки за расчистување на настанот.фото: архива/Скопје1

Скопје | пред 10 месеци

Тешко повреден работник на градилиште во скопско училиште

Во текот на изведување градежни работи во основно училиште во скопската општина Гази Баба, 35-годишниот И.И. од село Ореше, тетовско, се здобил со тешки телесни повреди.Несреќата се случила вчера околу 13:30 часот, а повредениот е пренесен со Итната медицинска помош во Комплексот клиники „Мајка Тереза“. Полицијата извршила увид, а случајот е пријавен и до трудов инспектор.

Скопје | пред 10 месеци

Сомнежи за труење во училиште во Аеродром: Деца од вчера се со стомачни проблеми, по ручек додека биле на настава

Дел од родители на ученици во основното училиште „Ѓорѓија Пулевски“ се пожалиле дека по оброк за ручек, од вчера до денеска, многу од нивните деца се жалеле на здравствени проблеми. Тие посочуваат дека постои сомнеж за труење со храната, која се доставува од надворешна фирма. За овој сомнеж, го известиле и Државниот санитарен и здравствен инспекторат.„Од Центарот за јавно здравје-Скопје сме известени дека имаат сознанија за појава на стомачни тегоби кај повеќе ученици кои посетуваат настава во ООУ Ѓорѓија Пулевски, за кое постои сомнеж дека станува збор за труење со храна. Известени сме дека епидемиолозите направиле контакт со ЈЗУ УК за инфективни болести и УК за детски болести, но во овие здравствени установи не се јавиле на преглед ученици од наведеното училиште со стомачни тегоби“, велат од ДСЗИ за „Скопје1“.Оттаму додаваат дека Одделението за епидемиологија на Центарот за јавно здравје било известено од страна на матичен доктор дека три деца, ученици во истото училиште се јавиле на преглед и дека ќе достават пријави за заразно заболување.„Откако од страна на одделението за епидемиологија, по добиените пријави ќе се изврши епидемиолошка анкета, очекуваме како Инспекторат да бидеме известени од нивна страна дека се работи за епидемиско труење со храна ќе се постапи според протоколот“, додаваат од ДСЗИ.

Скопје | пред 1 година

Средношколците на распуст, основците на настава до 17 јуни

Учебната 2023/2024 година заврши за средношколците, додека учениците во основните училишта, согласно годинашната одлука за организација на наставата, до летниот распуст имаат уште една работна недела.Крај на учебната година на 17 јуни беше предвидено за сите ученици, но Министерството за образование и наука излезе во пресрет на барањето на Сојузот на средношколци.-Во Законот за основно образование се одредени точен број работни денови (180) во основното образование. Во Законот за средно образование не е одредена законска обврска за точен број работни денови. Сите одлуки се донесуваат во консултација со тие што се засегнати. Сојузот на средношколци побара освен пролетниот распуст, заради административните постапки на запишување на децата во високото образование, средното образование да заврши на 10 јуни. Тоа го дозволуваше законот и ние тука постапивме, рече пред два месеца министерот за образование и наука Јетон Шаќири.И основците и средношколците првпат годинава имаа пролетен распуст од 29 април до 6 мај 2024.Матурантите во изминатите две саботи ги полагаа двата екстерни испита од државната матура и резултатите треба да ги очекуваат најдоцна до 8 јули.На полуматурантите, пак, овој месец им претстои запишување во средно образование. Пријавувањето и запишувањето на учениците во јунскиот уписен рок ќе биде во две пријавувања. Според Конкурсот за запишување во средно образование, првото електронско пријавување ќе биде од 20 до 25 јуни и второто на 1 и 2 јули.

Македонија | пред 1 година

Пожар во старото училиште во село Винце

Објектот на поранешното училиште во кумановското село Винце вчера е опожарен.Од Регионалниот центар за управување со кризи денеска информираа дека пожарот избувнал во 18 часот во училиштето кое не функционира 40 години.Според податоците на РЦУК Куманово, пожарот првин го гаселе четворица пожарникари со едно возило, а дополнително во 20:40 часот е пратено уште едно возило.Пожарот целосно е изгаснат 45 минути по полноќ.

Македонија | пред 3 години