Две лица убиени во напад со нож во приватно училиште во Германија

Две лица се убиени во напад со нож што денеска се случил во приватно училиште во Госен-Ноја Зитау, во близина на Берлин, соопшти германската полиција. Осомничениот напаѓач е уапсен.

— реклама —

Во нападот животот го загубила 18-годишна ученичка, како и 30-годишен маж кој се обидел да ѝ помогне. Засега нема информации дали во нападот има и други повредени лица.

— реклама —

Според германските медиуми, уапсениот има 19 години и наводно бил поранешен партнер на убиената девојка. Неговата националност засега не е позната, а нема информации ниту дали бил ученик во училиштето каде што се случил нападот.

Местото Госен-Ноја Зитау се наоѓа на границата меѓу Берлин и сојузната покраина Бранденбург.

— реклама —

Нападот повторно го отвори прашањето за насилството со нож во Германија. Според податоците наведени во извештаите, во текот на 2025 година во земјата биле регистрирани речиси 30.000 напади со нож, при што речиси 1.000 завршиле со смртни последици.

Пред нешто повеќе од еден месец, 16-годишник во Баварија со нож нападна и тешко повреди две девојчиња во училиште.