Пожар избувна на депонијата кај Кавадарци, огнот се прошири на сувата вегетација

Пожар избувна на депонијата кај Кавадарци, а огнот излегол надвор од депонијата и зафатил сува трева и вегетација во околината. Според директорот на ЦУК, Стојанче Ангелов, пожарот се заканува и на околните дрвја, додека на терен интервенираат кавадаречките пожарникари.

— реклама —

Ангелов информираше дека пожарот, според првичните сознанија, бил подметнат.

— реклама —

„Пред малку некој подметнал пожар на кавадаречката депонија. Огнот од депонијата излезе надвор и ја зафати околната сува вегетација, сува трева. Од другата страна веќе навлегува и во дрвја, но тука на лице место се кавадаречките пожарникари кои се обидуваат да воспостават контрола“, изјави Ангелов.

— реклама —

На терен бил и градоначалникот на Кавадарци, Митко Јанчев, а испратена е и механизација со која треба да се направат противпожарни пресеци и да се спречи понатамошното ширење на огнот.

„Ситуацијата е доста алармантна бидејќи наоколу имаме доста лозја, но и дрвја“, предупреди Ангелов.