(Фото) Ѓорѓиевски: Камениот мост повторно блеска, гордоста на Скопје во нов сјај

Камениот мост во Скопје доби ново декоративно и архитектонско осветлување, кое вечерва свечено беше пуштено во употреба од градоначалникот на Град Скопје, Орце Ѓорѓиевски, заедно со неговиот колега од турската општина Есенлер, Мехмет Тевфик Гоксу.

— реклама —

На настанот присуствуваа и амбасадорот на Турција, Алпер Акташ, извршниот директор на „Халк банка“, Фатих Шахбаз, како и почесниот конзул Ајдован Адемоски.

Со новото осветлување дополнително се истакнуваат архитектонската убавина и историското значење на Камениот мост, кој со векови ги поврзува двата брега на Вардар и претставува едно од најпрепознатливите обележја на Скопје, објави градоначалникот на Скопје.

— реклама —

View this post on Instagram

— реклама —

Ѓорѓиевски информираше дека проектот е реализиран во рамки на Протоколот за пријателство и соработка меѓу Град Скопје и Општина Есенлер. Тој упати благодарност до градоначалникот Гоксу, Општина Есенлер, „Халк банка“ и Фатих Шахбаз, како и до Ајдован Адемоски, за поддршката и придонесот во реализацијата.

Градоначалникот истакна дека Камениот мост е дел од заедничкото историско наследство на скопјани и дека обврска на денешните генерации е да го зачуваат за оние што доаѓаат по нив.

— реклама —