(Фото) Голема трагедија во рудник во Пакистан, се извлекуваат тела од урнатините

Девет работници загинаа, а тројца се повредени при уривање во рудник за мермер во северозападната пакистанска провинција Хајбер Пахтунхва, соопштија официјални лица.

— реклама —

Несреќата се случила во вторник во областа Рустам, во округот Мардан, а работниците останале заробени под урнатините кога рудникот се урнал, изјави портпаролот на локалната служба за итни случаи, пренесува Синхуа.

— реклама —

Спасувачките екипи извлекле вкупно 12 работници од местото на несреќата.

— реклама —

Деветмина од нив загинале, додека повредените се пренесени во блиска болница. Локалните власти наредиле истрага за инцидентот, наведува агенцијата.