Кабаст отпад фрлен на јавна површина во Струга предизвика реакција од локалното комунално претпријатие, од каде алармираат за зачестената појава на несовесно однесување на граѓаните и апелираат за поголема одговорност во одржувањето на чистотата на градот.
„Градот не е депонија. Доста е!
Иако во нашите објави често ви ја прикажуваме најубавата страна на градот, ова е реалноста со која секојдневно се соочуваат нашите теренски работници.
Фрлањето мебел и кабаст отпад по улици и јавни површини не е само неодговорност – тоа е вандализам врз нашиот град.
Некој секој ден работи за да го одржи градот чист, додека други го уништуваат преку ноќ без никакво чувство на одговорност.
Ова не е недостаток на култура – ова е недостаток на основна почит.
Ако не знаеме да го заштитиме нашиот град, тогаш самите ја уништуваме нашата иднина“, стои во објавата.
