Жители на населбата Козле самоиницијативно се организирале за да ги поправат оштетените лулашки и да го исчистат детското игралиште, кое, според нив, со месеци е мета на вандализам.
Читател на „Скопје1“ испрати фотографии и информација дека акцијата започнала вчера околу 9 часот на игралиштето меѓу кулите, спроти Основното училиште „Владо Тасевски“, каде покрај поправката на реквизитите било собрано и ѓубре, како и парчиња стакло од искршени шишиња.
„Недела, 9 часот наутро, екипава дојде самоиницијативно и почна да ги поправа лулашките во Козле, помеѓу кулите, спроти ОУ „Владо Тасевски“, и да го собира ѓубрето и парчињата стакло од шишиња.
Инаку, нередот и уништените лулашки се дело на деца на возраст од 12 до 15 години, кои речиси секоја вечер несебично се вложуваат за да ги искршат лулашките и да прават врева до доцните ноќни часови“, наведува читателот.
