(Фото) Кобила се ождребила на булеварот „Илинденска“, скопјанка го тргала новороденото ждребе од коловозот: Никој да застане и да помогне!

Штотуку родено ждребе било затекнато среде улица во Скопје, додека покрај него се наоѓале кобилата и уште еден коњ. За случајот сведочи скопјанката Билјана Николовска, која објави и фотографија од животните.

— реклама —

Според нејзината објава, таа утринава се движела по улицата „Илинденска“ кога пред крајот на улицата го забележала новороденото ждребе како лежи на коловозот, со плацентата покрај него.

Николовска тврди дека застанала и успеала да го извлече малото животно од коловозот и да го премести на тревата покрај патот.

— реклама —

„Никој да застане да помогне. Застанав, едвај го извлеков на тревата покрај патот, а идиотите подзастануваа и со мобилните снимаат“, напиша таа.

— реклама —

Таа додава дека побарала помош, но, според нејзиното сведоштво, никој од присутните не се вклучил.

На фотографијата што ја објави се гледа ждребето како лежи на тревна површина покрај кобилата, непосредно по раѓањето.

— реклама —

Засега нема информации кому му припаѓаат животните, ниту како кобилата се нашла на улицата во моментот кога се ождребила.