Со највисоки воени и државни почести сега веќе поранешниот претседател Ѓорѓе Иванов го пречека и му ја предаде функцијата на новиот шеф на државата Стево Пендаровски.
Големи внимание на денешното примопредавање на функцијата предизвика мачката на Иванови, која се протнуваше и галеше со присутните на инаугурацијата на новиот претседател Стево Пендаровски.
ФОТО: Арбнора Мемети
Мачката го привлече вниманието на новинарските екипи кои го следеа настанот на Водно.
Инаку пред да ја предаде функцијата на неговиот наследник Иванов на официјалниот профил објави статус.
ФОТО: Арбнора Мемети
-Со огромна чест, задоволство и одговорност ја извршував функцијата Претседател на Република Македонија во изминативе десет години. Од се срце му благодариме на македонскиот народ и на македонските граѓани за сета укажана доверба и поддршка. Останете во добро здравје и не заборавајте дека само сплотени, обединети и со меѓусебна почит ќе имаме просперитетна и успешна Македонија, Функциите доаѓаат и проаѓаат, но човечноста останува, напиша Иванов.
Инаку Иванов од денеска заминува во пензија, ќе има месечни приходи од околу 100.000 денари, а според законот му следува доживотна канцеларија со тројца вработени има право на лично обезбедување и користење на службено возило со возач.
ФОТО: Арбнора Мемети
