(Фото) Нов билборд во Техеран: Белата куќа во пламен со порака „Крв за крв, око за око“

На плоштадот „Палестина“ во Техеран е поставен нов голем билборд со порака упатена до Соединетите Американски Држави и Израел. На него е прикажана Белата куќа во пламен, американско знаме на покривот и повеќе ковчези покриени со американски знамиња.

— реклама —

На ковчезите се прикажани ликовите на американскиот претседател Доналд Трамп, израелскиот премиер Бенјамин Нетанјаху, Џаред Кушнер, како и децата на Трамп.

Над илустрацијата, на персиски и хебрејски јазик, стои пораката: „Крв за крв, око за око“.

— реклама —

Плоштадот „Палестина“ во Техеран често се користи за поставување политички пораки и пропагандни материјали насочени против САД и Израел.

— реклама —

Ваквите билборди не се новина во иранската престолнина. Во март на плоштадот „Валијаср“ беше поставен билборд на кој беа прикажани тројцата врховни ирански лидери – Рухолах Хомеини, Али Хамнеи и Моџтаба Хамнеи, при што Али Хамнеи симболично му го предава државното знаме на својот син.

Во април, пак, на плоштадот „Ванак“ беше поставен транспарент со порака дека Ормутскиот Теснец „засекогаш ќе остане во ирански раце“, со тврдење дека САД не успеале да ја променат таа состојба.