(Фото) Огромна дупка на улица во Кисела Вода, граѓаните поставија картонска кутија како предупредување

Граѓани од скопската општина Кисела Вода реагираат на дупка на улицата „Емил Зола“, во близина на зградата „Пегла“, која веќе подолг период претставува ризик за возачите.

— реклама —

Според објави на социјалните мрежи, некој од жителите поставил картонска кутија околу оштетениот дел од асфалтот со цел да ги предупреди возачите и да ги натера да ја избегнуваат дупката.

— реклама —

„Веројатно не сум единствената на која ѝ пречи ‘кратерот’. Улицата е вака оштетена повеќе од две недели, се надевам дека нема да се дозволи некој да настрада или да си го оштети возилото, за да се реагира со поправка. Се работи за пропаднат асфалт на раскрсницата кај зградата Флетајрон“, стои во објава на една жителка.

— реклама —

Таа додава дека проблемот е присутен подолго време и дека е потребна итна реакција од надлежните служби.

Пред речиси еден месец, фотографии од истата дупка беа објавени на социјалните мрежи со порака дека возачите треба да бидат внимателни и дека се очекува санација во најбрз можен рок.