Камион се излизгал на патот Велес-Скопје. Ова доаѓа по снежните наноси кои паѓаат од попладнево, но и лизгавите патишта. Неколку метри подоле, има и два автомобили кои исто така, како последица на ниските температури и снегот, се излизглале. Нема детали за повредени лица, а има материјална штета. Полицијата излегла да направи увид. Ова практично се првите последици од снежните наноси.
Сообраќајот на државните патишта се одвива по влажни коловози, на некои повисоки места наместа со остатоци од кашест снег на коловозот по интервенција на дежурните екипи на ЈП Македонија пат. Врнежи од снег со променлив интензитет се бележат на Попова Шапка, Стража, Маврово ,Гостивар ,Дебар ,Крушево ,Кичево и на планинските премини Буково ,Ѓавато и Пресека.
