Во Општина Бутел со добра динамика продолжува изградбата на два нови спортско-рекреативни центри, кои ќе бидат лоцирани во Радишани – Горна зона и во населбата Кучевишка Бара.
Од Општина Бутел информираат дека станува збор за проекти со кои ќе се создадат нови простори за спорт, рекреација и активен живот на граѓаните.
Со реализацијата на овие инвестиции, жителите на двете населби ќе добијат современи спортско-рекреативни содржини што ќе бидат достапни за сите генерации.
Од локалната самоуправа посочуваат дека градежните работи се одвиваат според предвидената динамика.
