(Видео) Страшна сообраќајна несреќа во Бугарија: Најмалку седум загинати, судир на над 50 возила

Страшна сообраќајна несреќа ја потресе Бугарија, каде што во серија судири на автопатот „Тракија“, во близина на градот Јамбол, загинале најмалку седум лица, а повеќе се повредени. Во несреќите учествувале повеќе од 50 патнички и товарни возила, меѓу кои и цистерни, пренесува НОВА.

— реклама —

Судирите се случиле во вторникот наутро, на делницата меѓу клучките „Зимница“ и „Кабиле“, при густа магла и значително намалена видливост. Поради несреќите, автопатот е затворен во двата правца, а спасувачките екипи се обидуваат да стигнат до луѓето заробени во возилата.

— реклама —

Главниот инспектор Тодор Мишинев од полицијата во Јамбол изјавил дека во возилата има заглавени лица и дека приоритет во моментов е нивното извлекување. Истражните дејства ќе започнат по завршувањето на спасувачките активности.

Седум повредени лица се пренесени во болницата во Јамбол. Според заменик-директорот Валентин Валчев, тие се во тешка состојба и имаат повеќекратни повреди, поради што се згрижени во шок-собата.

— реклама —

Во болницата се мобилизирани сите расположливи екипи за реанимација, хирургија и трауматологија. Бидејќи установата нема оддел за неврохирургија, пациентите на кои ќе им биде потребна таква медицинска помош ќе бидат пренесени во други здравствени установи.

— реклама —

View this post on Instagram