(Фото) Велес постави нов рекорд на „Питијада“ со пита долга 4,4 метри

Велешката „Питијада“ донесе нов рекорд, откако мајсторите за подготовка на пита направија специјалитет долг 4 метри и 40 сантиметри, објави градоначалникот на Велес, Марко Колев.

— реклама —

Во подготовката учествуваа Ангел Костов, Зоранчо Илиевски, Лазе Коцевски, Благојче Николов, Паскал Јамалов, Кристина Маневска, Веле Глигоров, Никола Лазаревски и Александар Јамалов, заедно со младите Георгиј и Калина од „Фурна Гемиџии“. Подготовката се одвиваше под надзор на шефот Горан Богоевски.

— реклама —

— реклама —

За рекордната пита биле употребени 17 килограми брашно, 28 килограми тесто, 45 килограми месо и 370 јајца.

Градоначалникот Колев посочи дека традицијата била одбележана заедно со советниците од Советот на Општина Велес. Во соработка со Црвениот крст – Велес, од продажбата на питата биле собрани средства што ќе бидат наменети за хуманитарни цели.

Прославата на „Питијада“ продолжува, со понуда што ја слави велешката традиција и гастрономија.