(Фотосторија) Што остана од собраниската сала: генералната секретарка со потези за превенција, потпретседателот не искористи обезбедување

Тензичната собраниска седница заврши, новиот Деловник е донесен, а претседателскиот пулт во пленарната сала е демолиран. Неколку монитори се откорнати и искршени, исто така и телефони кои ги користат генералниот секретар Цветанка Иванова и службенците, а хартии се расфрлани на сите страни. Иако беше фрлано кон потпретседателот Горан Мисовски, тој не е повреден.

— реклама —

Во текот на седницата, не остана незабележано и однесувањето на генералната секретарка Иванова. Додека потпретседателот Мисовски не реагираше и гледаше кон пратеникот на Левица Борислав Крмов кој фрлаше кон него, Иванова внимаваше да ги тргне сите потешки предмети од пултот, а кои можат да бидат искористени за да бидат фрлени кон нив двајца. Па така, таа ги тргна шишињата и стаклените чаши.

Иванова, кога виде дека ситуацијата ескалира, а како превенција, се обиде незабележнително да ги тргне и сите хартии кои беа пред неа.

Позади Иванова и Мисовски, имаше куп хартии. Во еден момент од седницата, Мисовски искоментира дека ги тргнал очилата за да не случајно при фрлањето со хартии кон него од страна на Крмов, но и пратеникот Димитар Апасиев, тој биде повреден.

По неколку часа, отфрлени беа сите амандмани на Левица, тие не беа извадени од салата и немаше реакција на обезбедувањето. Новиот Деловник беше донесен.

(Видео) „Ајде тепајте ме“ - ескалираше состојбата во Собрание

И по паузата, продолжи кршењето на сбраниската опрема во пленарната сала. Пратеникот Борислав Крмов продолжи со фрлањето на амандманите врз потпретседателот на Собранието, Горан Мисовски и генералниот секретар Цветанка Иванова. Пратеникот Димитар Апасиев побара да се прекине седницата, а потоа се гласаше за амандманите и истите беа отфрлени со мнозинство гласови.Крмов побара процедурално обраќање, излезе на говорница и побара прекинување на седницата. Тој го докрши мониторот поставен на бирото.„Прекинете ја седницата. До сега ескалиравме на опремата, да не продолжиме понатаму“, рече Крмов.Потоа, Мисовски му кажа да продолжи со говорење.„Ајде тепајте ме. Ајде“, порача Крмов.Пратениците од власта се смееја.

Македонија | пред 2 години