Фрлил цело легло мачиња во парк, па доби казна од 550 евра: Изречена првата казна за напуштање новородени животни во Македонија

Случај на напуштање новородени животни во Скопје заврши со парична казна од 550 евра, откако граѓанин го пријавил настанот и доставил фотографии и видеоснимки како доказ.

— реклама —

Според информациите од Агенцијата за храна и ветеринарство, мачињата биле оставени во парк во близина на трговски центар во Скопје. Граѓанинот случајот го пријавил во ЈП „Лајка“, при што доставил материјали на кои било документирано напуштањето на целото легло.

— реклама —

— реклама —

АХВ информира дека ова е првата изречена глоба за напуштање новородени животни во Македонија, а сторителот е санкциониран со 550 евра.

Случајот покажува дека пријавите од граѓаните и доставувањето докази можат да придонесат за санкционирање на лицата кои ги напуштаат животните и оставаат новородени животни без грижа.