Гаши најави повторување на опозициските прашања

Опозициските прашања ќе бидат повторно поставени на 130. пленарна седница на Собранието, откако за тоа се согласиле координаторите на пратеничките групи. Ова попладнево го соопшти собранискиот претседател Африм Гаши, но не прецизираше кога ќе се одржи седницата.

— реклама —

Паузите го потрошија времето за пратенички прашања на последната седница, по што следуваа реакции од опозициските партии.

— реклама —

Во меѓувреме, Собранието продолжи со 129. пленарна седница, на која со 63 гласа „за“ го донесе Законот за изменување и дополнување на Законот за јавни набавки.

— реклама —

Указот за законот претходно не беше потпишан од претседателката на државата, Гордана Сиљановска-Давкова, која достави укажување. Владејачкото мнозинство потоа поднесе амандман со кој беше избришан членот на кој се однесуваше нејзиното укажување.

— реклама —