Борче Георгиевски правел вистински грабеж во општина Гази Баба. Тој склучувал договори за јавни набавки на улично осветлување на места каде што веќе имало, а во договор од 17 август склучил договор за реконструкција на улично осветлување со лед светилки и софтвер за истите за паметно осветлување и тоа во вредност од 1.7 милиони евра со ДДВ со фирмата ЕЛМОНД ЕЛЕКТРО од Скопје, при што во договорот кој го склучил со истата се обврзал 20% од договорената сума да ја исплати авансно, односно пред да отпочне работата, вели ВМРО-ДПМНЕ во реакцијата на соопштението на Борис Георгиевски
„Овој договор за авансна исплата Георгиевски го склучил 1 месец пред избори.
Георгиевски со парите кои ги трошел на овие договори, но и договорите кои ќе ги презентираме во иднина можел да ја направи Гази Баба најосветлена општина во Македонија.
Во однос на неговите обвинувања за немање на вода во некои населени места, сакаме да потенцираме дека се вршеше реконструкција на резервоарот за вода во Црешево, кој тој не го реконструираше, а со кој зафат сега се обезбедува сигурен дотур на вода за жителите на Црешево, а водоснабдување во Црешево има веќе од вчера.
За разлика од порано, кога Георгиевски беше градоначалник и СДСМ управуваше со општината. Сега се работи за граѓаните и за општината, и тој однос и начин на работа ќе продолжи и во иднина“; се вели во реакцијата.
