Претседателот на општинската организација на СДСМ и директор на Заводот за индустриска сопственост Горан Герасимовски кој е кандидат за градоначалник на СДСМ за скопската Општина Центар, секојдневно е активен на социјалните мрежи. Уште пред да почне изборната кампања тој објави низа на фотографии од средби со граѓани, од активностите кои ги презема секојдневно.
Последна од објавите е денешната фотографија, на која тој трча на кејот на Вардар. Герасимовски објаснува дека тоа се дел од подготовките за Скопскиот маратон, кој ќе се одржи следниот викенд.
„Утрински подготовки за учество на Скопски маратон!“, напиша Герасимовски.
Тој на кејот не беше сам, туку со негови поддржувачи. Сите носеа брендирани маички „Центар во срце“.
