Германците поседуваат злато вредно неверојатни 1,4 билиони евра

Златните резерви во сопственост на германските граѓани достигнаа нов рекорд, надминувајќи вредност од еден билион евра. Сепак, од даночен аспект постои значителна разлика дали инвеститорите поседуваат златни прачки, накит, златни ETC-фондови или дури биткоин, пренесуваат германските медиуми.

Германските домаќинства поседуваат злато чија вредност ги надмина сите досегашни рекорди. Според студијата „Инвестиции во злато 2026“, нарачана од „Рајзебанк“, а објавена од германските медиуми, приватните инвеститори во Германија поседуваат речиси 10.000 тони физичко злато.

— реклама —

Кога ќе се додадат накитот и хартиите од вредност обезбедени со злато, вкупната вредност на овие резерви во март изнесувала околу 1,4 билиони евра.

Сепак, за инвеститорите оваа импресивна бројка е само дел од приказната – од даночен аспект, не сите форми на злато се третираат на ист начин.

— реклама —

Според студијата на „Рајзебанк“, германските домаќинства поседуваат 9.173 тони физичко злато, што е за 139 тони повеќе во споредба со 2024 година.

— реклама —

Од вкупната количина, 5.464 тони се чуваат во форма на златни прачки и монети, додека дополнителни 3.709 тони се во форма на накит.

Златото сега претставува 6,1 отсто од приватното богатство на германските домаќинства. Во 2024 година неговиот удел изнесувал 2,8 отсто.

— реклама —

Студијата покажува дека уделот на златото во приватното богатство значително се зголемил во периодот од 2024 до 2026 година.

Затоа, германските медиуми предупредуваат дека инвеститорите кои купуваат златни прачки или монети треба добро да ги познаваат правилата што важат за нивното купување, но и за подоцнежната продажба.