Германија и Сирија се договорија: 80 проценти од бегалците ќе бидат вратени

Германскиот канцелар Фридрих Мерц изјави дека 80 отсто од повеќе од 900.000 сириски државјани во Германија треба да се вратат во својата татковина во наредните три години.

На конференција за медиуми со привремениот сириски претседател Ахмед ал-Шара во Берлин, Мерц рече дека се договориле дека во долг рок, во наредните три години, 80 отсто од Сиријците треба да се вратат во својата татковина.

— реклама —

„Тоа беше и желба на претседателот на Сирија. Тие Сириjци кои сакаат да останат во Германија и кои се добро интегрирани, ќе можат да останат во Германија“, изјави Мерц.

Германија беше едно од главните прибежишта за сириските бегалци кои бегаа од граѓанската војна.

— реклама —

Повеќе од 900.000 од нив пристигнаа во Германија за време на владеењето на соборениот сириски претседател Башар ал-Асад.