Германија ќе пласира уште 13,5 милиони барели нафта и нафтени производи

Германија ќе ослободи дополнителни количества нафта и дизел од своите стратешки резерви за да ги исполни обврските од меѓународниот договор за стабилизирање на пазарот на енергенси, соопшти германското Министерство за економија.

— реклама —

Во март, Германија се обврза на пазарот да пласира 19,5 милиони барели нафта и нафтени производи, како дел од договорот на членките на Меѓународната агенција за енергија (ИЕА). Вкупно, земјите од групата требаше да ослободат 425 милиони барели со цел да се обезбеди снабдување и да се ограничат цените во услови на војната на Блискиот Исток.

— реклама —

До средината на октомври од резервите биле ослободени околу 325 милиони барели, а ИЕА најавила забрзување на спроведувањето на договорот и пласирање дополнителни 100 милиони барели нафта и дизел, во зависност од условите во одделните земји.

— реклама —

Германија досега ослободила шест милиони барели, а за преостанатите 13,5 милиони првично ќе се насочи кон дизелот и маслото за греење.

За да го овозможи тоа, Министерството за економија привремено ја измени одредбата според која резервите мора да покриваат 90 дена потрошувачка, скратувајќи го периодот на 82 дена. Одредбата била објавена во Службениот билтен во средата, а стапила во сила во четвртокот, изјавила министерката за економија Катерина Рајхе.