Германска воена компанија купи романско бродоградилиште за 138 милиони евра

Германската воена компанија „Рајнметал“ денеска го купи романското бродоградилиште Мангалија за 138,03 милиони евра без ДДВ.

— реклама —

Продажбата беше реализирана на аукција, по неколку неуспешни обиди да се најде купувач за бродоградилиштето, кое западна во финансиски тешкотии, пренесува порталот „Информат.ро“.

— реклама —

Според стечајниот управник ЦИТР, продажбата отвора можност една од најважните индустриски постројки во Романија повторно да започне со работа.

„Рајнметал“ претходно, во мај, соопшти дека размислува за преземање на бродоградилиштето во соработка со швајцарската компанија МСЦ и дека планира значителни инвестиции во локацијата, со цел развој на центар за воена и цивилна бродоградба.

— реклама —

Судот во Констанца на 28 април 2026 година отвори стечајна постапка за Мангалија, откако доверителите го одбија планот за реорганизација.

— реклама —

На почетокот на постапката, компанијата имала 69 доверители, а романската даночна управа и вработените имале побарувања во вкупна вредност од околу 145 милиони леи, односно повеќе од 27 милиони евра.