Ѓоковиќ елиминиран во Синсинати, побара медицинска помош, па откри што го мачи со години

По тригодишна пауза, Новак Ѓоковиќ не успеа да направи подолг настап на Мастерсот во Синсинати. Српскиот тенисер беше елиминиран уште на својот прв меч, откако во второто коло загуби од Аргентинецот Тијаго Аугустин Тиранте со 1:2 во сетови.

— реклама —

Ѓоковиќ одлично го започна дуелот и го освои првиот сет, но потоа почна да се соочува со здравствени проблеми. Во вториот сет побара медицинска помош, а во еден момент дури падна на колена, очигледно немоќен да продолжи со истото темпо.

По мечот, Ѓоковиќ откри дека проблемот не бил поврзан само со условите во Синсинати и дека слични тешкотии го следат веќе неколку години.

— реклама —

„Искрено, ова воопшто не беше пријатен натпревар за мене. Не е првпат, претпоставувам дека нема да биде ни последен. Тоа е здравствен проблем што го имам. Ме мачи веќе неколку години, особено кога влажноста и температурите се високи“, изјави Ѓоковиќ.

— реклама —

Тој додаде дека на неговата состојба влијаат и други фактори, меѓу кои нервозата и напорот што го носи натпреварувањето.

Во моментот на мечот температурата во Синсинати била околу 28 степени, со висока влажност на воздухот.

Ѓоковиќ по елиминацијата навести и дека постои можност следната година воопшто да не настапи на турнирот.