Ѓоковиќ испрати порака за промените во Србија: „Јас го претставував народот, а не власта“

Српскиот тенисер Новак Ѓоковиќ, пред почетокот на мастерс-турнирот во Париз, се осврна на здравствените проблеми со кои се соочувал во изминатите 12 месеци, но и на односот со властите во Србија.

— реклама —

На прашањето на странски новинар за обидите на поединци од високите државни функции да го оспорат и дискредитираат, Ѓоковиќ порача дека се надева оти промените во земјата ќе донесат нов почеток.

— реклама —

„Јас сум патриот, но секогаш го претставував својот народ, а не власта. Постои голема разлика меѓу нив. Среќен сум поради овие промени и се надевам дека во иднина работите ќе бидат одлични и дека земјата ќе напредува“, изјави Ѓоковиќ.

— реклама —

Тој зборуваше и за здравствените проблеми поради кои настапите во текот на годината му претставувале голем физички и здравствен предизвик. Посочи дека во последниот период се приближува до решавање на проблемите со кои се соочувал, а подобрата физичка состојба веднаш се одразува и врз неговата игра.

— реклама —

Ѓоковиќ, кој има рекордни седум титули на мастерс-турнирот во Париз, првиот натпревар го игра во вторник против Валентан Вашеро.