Новак Ѓоковиќ првпат јавно зборуваше за одлуката Виктор Троицки да стане дел од неговиот стручен штаб, откако претходно неговиот досегашен тренер на тенисерот Миомир Кецмановиќ изјави дека бил „шокиран“ од ваквиот развој.
Само два дена откако со Кецмановиќ освои челинџер во Валенсија, Троицки веќе бил забележан на тренинг со Ѓоковиќ на „Ролан Гарос“.
Ѓоковиќ откри дека разговарал со Кецмановиќ и му објаснил како дошло до соработката.
„Имавме комуникација, не се видовме во живо. Му честитав за победата и турнирот. Му кажав од моја перспектива што и како се случи. Како тој го прифатил тоа и што има меѓу него и Виктор, не навлегувам“, изјави Ѓоковиќ.
Српскиот тенисер објасни дека главната причина поради која го избрал токму Троицки е нивното долгогодишно пријателство и доверба.
„Многу едноставно. Се знаеме од осум-девет години. Игравме заедно, противници сме биле, игравме дубл, Дејвис куп, освоивме многу работи. Тој е еден од најблиските луѓе што ги имам во животот. Не сакав да носам непознати луѓе сега. Немам трпение за тоа. Сакав некој што ме познава добро и кој може да придонесе со искуство“, рече Ѓоковиќ.
Од друга страна, Кецмановиќ не го криеше разочарувањето.
„И мене ме збуни, да не кажам шокираше. Во недела освоив челинџер, во понеделник ми кажа дека прекинува соработката, а веќе во вторник попладне беше со Новак. Сè е јасно, не морам многу да додадам“, изјави Кецмановиќ.
Тој додаде дека сега главен тренер му е Огњен Јовановиќ и дека моментално не брза со ангажман на ново големо тренерско име.
„Имав Давид, имав Виктор... не е дека нешто премногу ми помогнаа. Поважна ми е енергијата и заедништвото“, рече Кецмановиќ.
