Ѓоковиќ се враќа во Синсинати по три години – го дозна и првиот противник

Новак Ѓоковиќ по три години повторно ќе настапи на турнирот во Синсинати, каде што ќе ја започне борбата за уште една титула во серијата Мастерс 1000.

Српскиот тенисер последен пат играше во Синсинати во 2023 година, кога стигна до трофејот по незаборавното финале против Карлос Алкараз. Ѓоковиќ тогаш спаси меч-топка и по три часа и 49 минути славеше во еден од највозбудливите финални натпревари во историјата на АТП-турот.

— реклама —

„Се радувам што ќе играм на овој турнир. Последен пат играв во 2023 година и инфраструктурата значително се подобри. Неверојатна работа“, изјави Ѓоковиќ.

— реклама —

Неговиот прв противник ќе биде Аргентинецот Тијаго Агустин Тиранте, 50. тенисер на светската ранг-листа. Двајцата досега немаат одиграно меѓусебен натпревар.

За Ѓоковиќ, Синсинати има посебно значење. Токму таму, во 2005 година, го одиграл својот прв меч на турнир од ова ниво, кога во првото коло загубил од Фернандо Гонзалес. Две децении подоцна, во главниот турнир влегува како трикратен шампион.

— реклама —

Ѓоковиќ во Синсинати триумфираше во 2018, 2020 и 2023 година, а последната титула ја освои по голема борба со Алкараз.

„Имав одлична поддршка од Чикаго и Охајо. Српската заедница навистина е голема. Тоа е нешто што го паметам од финалињата во 2023 и 2018 година. Имаше многу српски знамиња на трибините. Навистина беше убаво“, рече Ѓоковиќ.

Неговиот меч против Тиранте е предвидено да започне во сабота околу 18:30 часот по македонско време.