Големиот македонски револуционер Гоце Делчев е роден на денешен ден, 4 февруари 1872 година во Кукуш, во семејството на Султана и Никола. Денеска се слави 150 години од неговото раѓање. По тој повод, објава на социјалните мрежи има и пратеникот Јован Јаулески од ВМРО-ДПМНЕ.
„Гоце е Македонец! Неговата слава, дело и заложба им припаѓаат само на Македонија и Македонците! Нека му е вечна слава на таткото на македонската држава, нека вечно се слави неговиот спомен. #150годиниГоце“, напиша Јован Јаулески, пратеник од ВМРО-ДПМНЕ.
Христијан Мицкоски денеска по повод 150 години од раѓањето на македонкиот револуционер објави видео во кое тој говори за неговото значење за нашата земја и историја.
„Гоце Делчев е Македонија, а Македонија е вечна! 150 години од раѓањето на големиот син. Слава му!“-вели Мицкоски.
