Голем пожар избувна во Грција: На терен 45 пожарникари и 10 авиони

Голем шумски пожар денеска избувна на земјоделско-шумско подрачје во областа Скилунтија, во грчкиот регион Илија. По избувнувањето на пожарот, мобилизирани се 45 пожарникари, 16 возила и доброволци, а во гаснењето од воздух се вклучени 10 авиони, пренесува „Катимерини“.

— реклама —

Противпожарниот оперативен центар бил известен за пожарот во попладневните часови, по што на терен биле испратени бројни екипи.

— реклама —

— реклама —

Во почетната фаза биле ангажирани шест летала за гаснење од воздух, а поради потребата од дополнителни сили биле вклучени уште четири авиони.

— реклама —

Набргу по избувнувањето на пожарот бил активиран системот „112“, преку кој локалното население било предупредено да биде во состојба на готовност.