Голема операција во Турција по убиството на тројца полицајци, 110 лица се приведени поради поврзаност со ИСИС

Турските безбедносни служби уапсија 110 осомничени лица во координирана операција насочена кон следбеници на Исламска држава, соопшти обвинителството во Истанбул. Акцијата следи само еден ден по вооружениот инцидент во северозападна Турција, во кој загинаа тројца полицајци и шестмина милитанти.

— реклама —

Рацијата, која траела осум часа, била спроведена во градот Јалова на брегот на Мраморното Море. Истовремено биле извршени претреси и на 114 локации во Истанбул и уште две провинции, при што полицијата запленила дигитални материјали и документи поврзани со истрагата.

— реклама —

Според обвинителството, од вкупно 115 лица опфатени со потерниците, биле лоцирани и приведени 110. За време на акцијата биле повредени осум полицајци и еден припадник на безбедносните сили.

— реклама —

Ова е втора масовна операција во рок од една недела — претходно беа уапсени повеќе од 100 осомничени заради наводни планови за напади за време на Божиќ и Нова година.

Турските власти соопштуваат дека годинава значително ги интензивирале акциите против структури поврзани со Исламска држава, со цел превенција на нови напади.