Градоначалниците на СДСМ и ДУИ 100 дена молчат, затоа што речиси ништо не сработиле. Од друга страна и покрај бројните опструкции и долгови со кои се соочуваат градоначалниците на ВМРО-ДПМНЕ реализираа 1.090 проекти, од кои изградени или реконструирани се 206 улици и патишта и над 110 водоводни и канализациони мрежи, вели ВМРО-ДПМНЕ
„Во Ресен асфалтирани се 10-тина локални патишта и улици, во општина Могила се реализираат градежни активности на за мултифункционалниот објект во село Добрушево, општина Новаци обезбеди субвенции за набавка на високо ефикасни инвертер клима уреди во износ од еден милион денари буџетски средства. Општина Прилеп е во завршна фаза со поставувањето на новиот цевковод во должина од 3.000 метри, а исто така беа асфалтирани 4 улици со вкупна должина од 950 метри. Во општина Битола за еден месец да се завршија отпочнатите активности на 7 улици, со вкупна должина околу 3,5 километри, а со градежни зафати ќе биде опфатена и патната мрежа во селата Логоварди, Дихово и Брусник.
Разликата во пристапот на власта и пристапот на ВМРО-ДПМНЕ е очигледна. ВМРО-ДПМНЕ нуди концепт на работа и проекти кои носат промени за подобра иднина. Овој пристап ќе ја победи неодговорноста, неработењето, недомаќинлукот и криминалот на ДУИ и СДСМ“, се вели во соопштението.
