Граѓани снимиле камион кој истурал отпад во Аеродром, инспекциските служби веднаш реагирале

Фотографии од камион кој истура отпад на градилиште во близина на поликлиниката „Јане Сандански“ беа објавени во групата на Фејсбук „Општина Аеродром – Граѓанска патрола“.

— реклама —

По објавите и реакциите на жителите, од Општина Аеродром информираа дека инспекциските служби веднаш постапиле по добиената пријава и извршиле инспекциски надзор на посочената локација.

При контролата било констатирано присуство на градежен и комунален отпад, по што на изведувачот на градежните работи му било наложено да го отстрани отпадот и да го исчисти просторот.

— реклама —

Од Општината соопштија дека изведувачот постапил по даденото задолжение, отпадот е отстранет, локацијата е расчистена, а поставена е и нова заштитна ограда.

— реклама —

Од Општина Аеродром посочуваат дека инспекциските служби продолжуваат со навремено постапување по пријавите на граѓаните и со засилени контроли на терен.

— реклама —