Општина Аеродром ослободува паркинг-места: Се отстрануваат старите и напуштени возила

Општина Аеродром започна акција за отстранување на хаварисани, отпадни и нерегистрирани возила од јавните површини, со цел ослободување на паркинг-местата и воспоставување поголем комунален ред.

— реклама —

Како што информира градоначалникот на Општина Аеродром, Дејан Митески, општинскиот Инспекторат, по претходно известување на сопствениците и спроведена постапка, активно ги отстранува возилата што подолг период зафаќаат јавен простор.

— реклама —

Возилата се подигаат со помош на шлеп-служба и се транспортираат до општинското депо, со што се ослободуваат паркинг-места за граѓаните.

Акцијата опфаќа и возила кои не се регистрирани повеќе од три години, но и камп-приколки и чамци оставени на јавните паркинзи. За утврдените неправилности ќе следуваат отстранување и соодветни санкции согласно законските прописи.

— реклама —

Од Општина Аеродром ги повикуваат сопствениците навремено да ги отстранат возилата што подолг период не се во употреба и зафаќаат јавни површини.

— реклама —

„Повеќе слободни паркинг-места, повеќе ред и почист Аеродром“, порачуваат од Општината, најавувајќи дека контролите и спроведувањето на мерките ќе продолжат на целата нејзина територија.