Граѓаните во септември најмногу купувале гориво

Поголема потрошувачка на храна, пијалаци и гориво е забележана во Македонија во септември годинава во споредба со истиот месец лани, додека купувањето непрехранбени производи бележи пад, покажуваат податоците на Државниот завод за статистика.

— реклама —

Трговијата на мало со храна, пијалаци и тутун номинално пораснала за 24,1 отсто, а реално за 19,4 отсто.

— реклама —

Наспроти тоа, трговијата со непрехранбени производи, без горивата, бележи намалување од 13,9 отсто номинално и 9,2 отсто реално.

— реклама —

Вкупната трговија на мало, без трговијата со горива, во септември била зголемена за 3,9 отсто номинално и 4,7 отсто реално.

Најголем раст е забележан кај потрошувачката на горива, која реално се зголемила за 12 отсто, а номинално за 38,7 отсто во споредба со септември минатата година.