Грција ги замрзнува цените во супермаркетите за време на туристичката сезона

Во обид да го намали притисокот од инфлацијата во екот на летната сезона, грчката влада постигна договор со производителите и трговските синџири за привремено замрзнување на цените во супермаркетите.

— реклама —

Мерката ќе важи во текот на двата најфреквентни летни месеци, кога земјата бележи најголем број туристи, а целта е да се спречат нови поскапувања на прехранбените производи и да се зачува куповната моќ на граѓаните и посетителите.

— реклама —

Договорот беше постигнат на средба на која присуствуваа премиерот Киријакос Мицотакис, министерот за развој Такис Теодорикакос и претставници на прехранбената индустрија и големите синџири супермаркети. Според договореното, компаниите нема да ги зголемуваат цените во текот на летото.

— реклама —

Опфатени се околу 2.000 производи, чии цени претходно беа намалени во просек за шест проценти. Компаниите се обврзале тие попусти да останат во сила и во наредниот период.

— реклама —

Грчката влада најавува дека по завршувањето на летната сезона ќе следува нов пакет мерки насочени кон дополнително намалување на цените, како дел од пошироката стратегија за справување со високите трошоци за живот и ограничување на инфлацијата.