Грција ќе им плаќа на рибарите за секој уловен килограм од опасната зајачка риба

Грчките власти воведуваат нова мерка со која професионалните рибари ќе добиваат по 5,33 евра за секој уловен килограм од опасната зајачка риба, позната и како лагоцефалус.

— реклама —

Станува збор за отровен и инвазивен вид кој претставува сериозна закана за морскиот екосистем, а воедно е опасен и за консумирање. Освен тоа, оваа риба им создава дополнителни проблеми на рибарите бидејќи често ја оштетува нивната опрема.

— реклама —

Програмата првично ќе се спроведува на Крит и во јужниот дел на Егејското Море, како дел од поширок пакет мерки за поддршка на грчкото рибарство и за намалување на последиците од ширењето на овој инвазивен вид.

— реклама —

Слична програма веќе се применува во Кипар, каде што рибарите исто така добиваат надомест за уловена зајачка риба.

— реклама —

Проблемот во Грција стана особено актуелен по извештаите за нагло зголемување на бројноста на овој вид кај Крит и во други делови на јужна Грција. Според експертите, зајачката риба во Средоземното Море навлегла преку Суецкиот канал, по што постепено почнала да се шири кон запад и север.