Грција лидер во ЕУ по намалување на потрошувачката на шверцувани цигари

Грција во 2025 година го забележала најголемото намалување на потрошувачката на шверцувани цигари меѓу сите 27 земји-членки на Европската Унија, соопшти тутунската компанија Papastratos.

— реклама —

Податоците се објавени во годишниот извештај на KPMG, изработен по нарачка на Philip Morris International, и укажуваат на значителен напредок во борбата против нелегалната трговија со тутунски производи.

Според извештајот, шверцуваните цигари во Грција во 2025 година учествувале со 14,1 проценти од вкупната потрошувачка на цигари, што е намалување за 3,4 процентни поени во однос на 2024 година.

— реклама —

Во текот на минатата година во Грција биле консумирани околу 1,9 милијарди нелегални цигари.

— реклама —

Поради нелегалната трговија, загубите за државниот буџет во 2025 година се проценуваат на 330 милиони евра. За споредба, во 2024 година тие изнесувале 438 милиони евра.

Извештајот покажува и дека на ниво на Европската Унија уделот на шверцуваните цигари надминал 10 проценти од вкупната потрошувачка, што е највисоко ниво забележано од 2014 година наваму.

— реклама —

Од КPMG наведуваат дека ова е втора година по ред Грција да бележи најголемо намалување на потрошувачката на шверцувани цигари меѓу земјите од ЕУ.