Грција најави побрз премин на границата со Македонија: Евзони добива дополнителни ленти

Во пресрет на зголемениот број патници во текот на летната сезона, грчките власти подготвуваат мерки со кои треба да се намалат гужвите и да се забрза преминувањето на копнените гранични премини.

— реклама —

Заменик-министерот за внатрешни работи на Грција, задолжен за регионите Македонија и Тракија, Константинос Гиулекас, на конференција за туризам посочи дека се разгледуваат привремени решенија за олеснување на протокот на патници, пренесе МИА.

— реклама —

Една од мерките предвидува поставување модуларни контролни пунктови на граничниот премин Евзони, со што една сообраќајна лента ќе се прошири на две. На тој начин се очекува да се намали времето на чекање и да се овозможи побрзо минување на возилата.

— реклама —

Истовремено, се најавуваат и активности за модернизација на инфраструктурата на граничниот премин, кои ќе се реализираат по фази.

— реклама —

Во однос на новиот систем за влез и излез, кој подразбира и биометриска регистрација на државјани од трети земји, Гиулекас нагласи дека европската регулатива дозволува негово привремено и делумно суспендирање во периоди на зголемен сообраќај. Како што посочи, оваа можност веќе се применува со цел да се избегнат дополнителни застои и долги колони на границите.