Грција нема да воведе данок за празни станови

Програми за социјално домување, ограничувања и мерки против краткорочното изнајмување, поттикнување на отворање на затворени недвижности, како и даночни мерки за оние што остануваат празни, се дел од станбените политики во Хрватска, Шпанија и Ирска.

— реклама —

Овие модели биле избрани како „најдобри практики“ во еврозоната и биле разгледани на состанокот на Еврогрупата во Никозија, на иницијатива на Киријакос Пиеракакис.

— реклама —

Претседателот на Еврогрупата за првпат го ставил прашањето за станбената криза на агендата, посочувајќи дека станува збор за проблем кој ја засега цела Европа и веќе е предмет на дискусии во Брисел и Стразбур.

Во моментов, Еврогрупата не разгледува конкретен акциски план, туку министрите биле информирани за примерите од трите земји.

— реклама —

Пиеракакис посочил дека не постои универзално решение кое може да се примени насекаде и дека секоја земја треба да ги креира своите политики според сопствените услови. Сепак, не ја исклучил можноста за заеднички мерки во иднина, додавајќи дека „решенијата се објавуваат кога ќе созреат“.

— реклама —

Од извор во грчката влада било потврдено дека Грција не размислува за воведување данок на празни недвижности. Оваа мерка била отфрлена уште во 2025 година.